Penaos ober aon dre ar sonerezh ?

. Ober « tremolo »-ioù gant ar c’herdin. An « tremolo » (a dalv « krenadenn » en italianeg) a ro ar santimant e kren ar son.

. Implijout sonlivioù dic’hortoz : kleier, gwagennoù Martenot (trouz tasmantoù), tud o chuchumuchiñ...

. Plantañ souezh er selaouerien, dre c’hoari gant an tavioù (chut!)

. Plantañ souezh er selaouerien, dre implijout kemmoù-son trumm (don/skiltr, skañv/ ponner, buan/goustadik...)

. Implijout tonioù kozh, e liamm gant ar marv pe traoù skrijus (da skouer « Dies Irae »)

. Lakaat pozioù skrijus...

Ur sonaozour gall eo Hector Berlioz. Ganet eo bet d’an 11 a viz Kerzu 1803 e La Côte-Saint-André, e departamant an Izer. Marvet eo d’an 8 a viz Meurzh 1869 e Pariz. Ur sonaozour romantel europat eo, met eñ e-unan a gave dezhañ bezañ ur sonaozour klasel.

Ne blije ket atav e sonerezh d’an dud a veve en e amzer. Ar Requiem (1837) en doa graet kalz berz, met a-raok, ar Sinfonienn faltaziek (1830) a oa displijet d’an holl.